Кодекс соода деңиз транспортуна байланыштуу маселелерди камтыйт жана Кыргызстан, деңизге чыгуу мүмкүнчүлүгү жок мамлекет катары, эл аралык сууга кирүү жана навигация эркиндиги боюнча эл аралык укуктун нормаларына ылайык укугун бекитет.
Документ деңиз ташууларын жүргүзүүнүн юридикалык, экономикалык жана уюштуруу аспектилерин аныктайт, ошондой эле ар кандай максаттар үчүн кемелерди пайдалануу боюнча эрежелерди орнотот.
Атап айтканда, бул жүргүнчүлөрдү жана жүк ташууларын, балык уулоону, деңиз ресурстарын изилдөөнү, илимий изилдөөлөрдү, куткаруу операцияларын жана яхтингди камтыйт.
Долбоордун негизги аспекттеринин бири — Кыргызстан кемелеринин мамлекеттик (эл аралык) реестрин түзүү, анда республика флагы астында жүзүүгө укугу бар кемелер жөнүндө маалыматтар киргизилет. Мындай кемелердин ээлери Кыргызстандыктар жана компаниялар гана эмес, чет элдик жарандар да болушу мүмкүн.
Кемелерди каттоо порту Бишкек шаары болушу сунушталууда, ал эми BISHKEK деген аталыш кемелердин арткы жагына латын тамгалары менен жазылышы керек.
Долбоор ошондой эле Кыргыз Республикасынын деңиз администрациясын түзүүнү камтыйт, ал соода деңиз транспортуна координация жүргүзүү, кемелер реестрин жүргүзүү, деңиз каттамдарынын коопсуздугун көзөмөлдөө жана эл аралык стандарттарды сактоо менен алектенет.
Мындан тышкары, Кодекс кемелерди каттоо, кемелердин документтерин берүү, кемелерди кармоо, деңиз ташууларын жүргүзүү маселелерин камтыйт жана экипаждардын ишмердүүлүгүн жана капитандардын ыйгарым укуктарын жөнгө салат.
Документте аскердик кемелер жана ядролук материалдарды ташыган кемелер Кыргызстан флагы астында каттоого алынбай тургандыгы так көрсөтүлгөн.
