Анын маалыматына караганда, жүк ташуучулардын топтолушунун себеби Казакстандын Чек ара кызматы жана Мамлекеттик кирешелер комитетинин көзөмөлүнүн күчөшү болуп саналат. Бул жүктөрдүн иштетилишин жайлатууга жана тыгындардын пайда болушуна алып келди.
Голубев мындай текшерүүлөр мезгил-мезгили менен жүргүзүлүп турарын белгиледи.
««Кен-Булун» өткөрмө пунктунда бош жүк ташуучулар турат, бул узун кезектерди жаратууда. «Карасу» өткөрмө пунктунда да ушундай эле абал байкалууда, ал жерде масштабдуу тыгын пайда болуп, ал Канттагы цемент заводуна чейин жетти», — деди ал.
Мындан тышкары, ассоциация бул маселени чечүү үчүн мамлекеттик структуралар менен активдүү иш алып барууда.
Ал кыргыз-казак чек арасындагы өткөрмө пункттарын модернизациялоонун маанилүүлүгүн баса белгиледи.
«Биз бул маселени Кыргызстанды 2030-жылга чейин логистикалык хаб катары өнүктүрүүнүн жалпы стратегиясына киргиздик. Бул программаны ишке ашыруу кезектерди кыскартууга жана жүк ташууларды натыйжалуу жүргүзүүгө мүмкүндүк берет», — деп кошумчалады ал.
Мурда маалымдалгандай, Казакстан чек арасындагы контролдук өткөрмө пунктунда жүк ташуучу транспорттун кыймылы фактически токтоп калды — айдоочулар үч күндөн бери чек араны өтө албай жатышканын билдиришти.
Евразия экономикалык комиссиясы кыргыз-казак чек арасындагы айрым участкалардагы учурдагы абал боюнча комментарий берди. ЕЭКте кечигүүлөр чек арачылардын мыйзамсыз товар жүгүртүүгө каршы күрөшүү боюнча пландалган иш-чаралары менен байланыштуу экенин белгилешти.
Казакстан тарап бул чаралар убактылуу экенин жана евразия интеграциясынын режимине таасир этпей турганын билдирди.
