Жолугушуунун жүрүшүндө катышуучулар Кыргызстан менен Италиянын соода, экономика жана инвестициялар тармактарындагы өз ара пайдалуу кызматташтыгын тереңдетүү перспективаларына көңүл бурушту. Ошондой эле B5+1 форматында биргелешкен иш-чараларды уюштуруу пландары талкууланды. Кыргызстанды Италия үчүн 15 приоритеттүү өлкөнүн тизмесине киргизүү, эки тараптуу мамилелерди өнүктүрүүгө болгон жогорку деңгээлдеги ишенимди жана стратегиялык кызыгууну баса белгилейт.
«Биз Италия Республикасы менен мамилелерди өнүктүрүүгө чоң маани беребиз жана чет элдик инвестициялар агымын көбөйтүүгө кубанычтабыз. Биз инвесторлордун укуктарын ишенимдүү коргоону камсыздап, мыйзамдарга жана эл аралык нормаларга ылайык мамлекеттик кепилдиктерди беребиз. Биздин өлкө узак мөөнөттүү стратегиялык өнөктөштөргө ачык жана бизнес жүргүзүү үчүн мүмкүн болушунча ыңгайлуу шарттарды түзүүгө даяр», — деди Равшанбек Сабиров.
Улуттук агенттик инвестициялык климатты жакшыртууга багытталган институционалдык жана регулятордук чөйрөдөгү жүргүзүлүп жаткан реформалар тууралуу маалымат берди. Инвесторлорду мамлекеттик колдоо механизмдери жана энергетика, өнөр жай, агроөнөр жай комплекси жана инфраструктура сыяктуу тармактардагы негизги долбоорлор талкууланды.
Жолугушуунун жыйынтыгы боюнча тараптар өнөктөштүктү күчөтүүгө жана биргелешкен демилгелерди ишке ашырууга даярдыктарын билдиришти.
