Шаардык администрациянын маалыматына ылайык, жер мамилелери боюнча нормativдик базаны кайра карап чыгуу зарылдыгы Кыргыз Республикасынын Жер кодексиндеги өзгөртүүлөр менен байланыштуу пайда болду.
2020-жылдын 14-январындагы БГКнын № 139 токтому менен белгиленген учурдагы эрежелер эскирген жоболорду жана кодекстин мурдагы редакцияларына шилтемелерди камтыйт, бул аларды заманбап реалияларга жана жер сатып алууну жөнгө салуу боюнча жаңы ыкмаларга ылайыксыз кылат.
Мындан тышкары, жүргүзүлгөн укук колдонуу практикасы жер участкаларын сатып алууда ижарачылар тарабынан милдеттенмелердин аткарылышына кошумча кепилдиктерди камсыз кылуунун зарылдыгын аныктады.
Жаңы долбоордун алкагында сунушталууда:
- сатып алуу процессин баштоо үчүн кепилдик келишиминин болушу;
- 10 пайыздык турак жайды муниципалдык менчикке өткөрүүгө мүмкүндүк берген альтернативдүү сатып алуу мүмкүнчүлүгү;
- жерлердин сатып алуу баасын аныктоо методикасын иштеп чыгуу;
- сатып алуу боюнча арыздарды иштеп чыгууда ведомстволор аралык өз ара аракеттенүүнү оптималдаштыруу, анын ичинде керексиз процедураларды, мисалы, курулушка байланыштуу корутундуларды алып салуу.
Бул өзгөртүүлөрдү киргизүү:
- сатып алуу процедураларынын ачык болушун камсыз кылат;
- арыздарды иштеп чыгуу убактысын кыскартат;
- Бишкек шаарынын бюджетине кирешелерди арттырат;
- муниципалдык турак жай фондун байытат.
