Расмий маалыматтарга ылайык, жергиликтүү жүк ташуучулар азыр Кытайдан тышкары Өзбекстан, Түркия жана Азербайжан менен да жүк ташууларды жүргүзүп, жаңы электрондук уруксаттарды колдонуп жатышат.
E-Permit (англисче Electronic Permit) – эл аралык жүк ташуулар үчүн уруксаттарды берүү жана текшерүү процессин автоматташтырууга арналган заманбап электрондук платформа.
Министрликтен белгилегендей, e-Permit системасын киргизүү уруксат берүүчү документтерди алмашууну кыйла жеңилдетти. Эми жүк ташуучулар онлайн режиминде арыздарды толтуруп, жөнөтө алышат, бул жеке катышуунун жана кезекте күтүүнүн зарылдыгын жокко чыгарып, кызмат көрсөтүү убактысын кыйла кыскартты.
Мурда тараптар жыл сайын уруксаттарды кагаз форматында алмашып турушкан. 2025-жылы Кыргызстан менен Кытай арасында 130 миңдей документ алмашылган, бул даярдоо жана жеткирүү үчүн чоң бюджеттик чыгымдарды талап кылган.
Ведомстводо белгилешкендей, жаңы система ачыктыкты жогорулатууга, бюджеттик чыгымдарды кыскартууга жана коррупциялык коркунучтарды азайтууга, ошондой эле эл аралык автомобиль ташууларын өнүктүрүүгө багытталган.
Электрондук уруксат системасын киргизүүнүн натыйжасында 2026-жылы мамлекеттик бюджетке 500 миллион сомдон ашык каражат түшөт деп күтүлүүдө.
Эскерте кетсек, 2025-жылдын октябрь айында министрлер кабинетинин 7 миллион 900 миң сом бөлүп, Кытай менен кызматташтыкта e-Permit системасын иштеп чыгуу жана ишке ашыруу боюнча чечим кабыл алынган.
