Сейитов бул демилге бизнесмендерге беш мамлекеттин актуалдуу процесстерин көрүүгө жана коңшулардын рыногунда тендерлерге катышууга мүмкүнчүлүк берет деп белгиледи.
Ал ошондой эле соода тоскоолдуктарын жоюуга жана квалификациялык тоскоолдуктарга байланыштуу методикаларды кайра карап чыгууга багытталган көптөгөн коомчулукка көрүнбөгөн иш-чаралар тууралуу сөз кылды.
Замминистринин айтымында, кыргыз тарап өз ара сооданы жеңилдетүү үчүн талаштуу маселелерди тезирээк чечүү боюнча демилге көтөрдү.
Бул иштердин алкагында эл аралык келишимдердин таасирин баалоо жана бизнес үчүн шарттарды жакшыртууга багытталган алдыңкы тажрыйбаларды алмашуу процедуралары киргизилүүдө.
Транспорт жана инфраструктура тармагында евразиялык транспорт коридорлорундагы бардык процесстерди санариптештирүү негизги аспект болуп калат. Ошондой эле интеллектуалдык менчикти укуктук коргоо жана энергетика тармагындагы отун-энергетикалык комплекстердин туруктуу иштешин камсыз кылуу боюнча иштер жүргүзүлүүдө.
Чоро Сейитов айыл чарба өнөр жайы секторунун жана дары-дармектер менен камсыздоонун маанилүүлүгүн баса белгиледи. Ал союз мамлекеттеринде индикативдик баланс колдонулуп жатканын, бир өлкөдө жетишсиздик пайда болгондо, рыноктордун башка өлкөлөрдөн импорт үчүн тез ачылаарын, бул мунай-майлоочу материалдар менен ийгиликтүү ишке ашырылганын айтып берди.
Фармацевтикалык даярдоолордун өндүрүшүнө талаптарды бириктирүү жана мал чарба продукциясынын катуу стандарттарга жооп берүүсү үчүн фитосанитардык контролду жакшыртуу боюнча иштер да улантылууда.
