Ибраев тереңдетилген интеграция соода шарттарын кыйла жакшыртып, компаниялардын, анын ичинде Кыргыз Республикасынын, атаандаштыкка жөндөмдүүлүгүн жогорулатат деп билдирди.
Ал ошондой эле кыргызстандык ишканалардын эл аралык рынокторго активдүү чыгышын жана Иран портторун колдонушун камсыз кылуучу транспорттук коридорлорду өнүктүрүүнүн маанисине көңүл бурду.
Данил Ибраев товарларды чек аралар аркылуу өткөрүүдө тоскоолдуктарды жоюунун зарылдыгына басым жасады.
Анын пикири боюнча, электрондук пломбалар, сканерлер жана санариптик сертификаттар сыяктуу санариптик технологияларды киргизүү, бажы чек арасын кесипкерлер үчүн дээрлик байкалбай өтүүнү камсыз кылат.
Ал энергетикалык ресурстар үчүн бирдиктүү рынокту түзүү ишканаларга нефть жана электр энергиясын өндүрүүчүлөрдөн түз сатып алууга мүмкүндүк берет, бул болсо атаандаштыкка жөндөмдүүлүктү жогорулатат деп белгиледи.
Ибраев ЕАЭБ мамлекеттеринин финансылык рынокторун интеграциялоонун зарылдыгын да көтөрдү.
Данил Ибраевдин айтымында, бул бирдиктүү валюта киргизүүнү билдирбейт, бирок союздун бардык өлкөлөрүнүн финансылык инструменттерди эркин пайдалануу жана банктын кызматтарына жеткиликтүүлүктү камсыз кылат.
«Компаниялар Кыргызстандын гана эмес, Россия, Казахстан, Армения жана Беларус рынктарында банктарды жана кредиттик продукттарды тандай алышат», — деп кошумчалады ал.
Мындан тышкары, ал ЕАЭБ өлкөлөрүнүн адистеринин өнөктөш мамлекеттерде эркин иштөөсү үчүн кызматтар жана жумушчу ресурстар боюнча жалпы рынокту дагы өнүктүрүүнүн зарылдыгына басым жасады.
Данил Ибраев акыркы жылдары Кыргызстанда жумушчу күч жетишсиздигин сезип, эмгек мигранттарын кабыл ала баштаганын белгиледи. Ал республикага азыр Узбекистан, Пакистан жана Бангладештен жумушчулар келип жатканын айтты.
Жалпысынан, регионалдык интеграцияны күчөтүү ЕАЭБ мамлекеттерине глобалдык экономикалык чакырыктарга тезирээк адаптацияланууга жана өз экономикаларын туруктуулугун жогорулатууга мүмкүндүк берет.
