Жолугушууда банктың Камбар-Ата ГЭС-1 жана Кытай, Кыргызстан, Өзбекстанды байланыштырган темир жолду куруу сыяктуу маанилүү инфраструктуралык долбоорлорду ишке ашыруудагы катышуусу тууралуу маселелер талкууланды.
Жапаров индустриализация мамлекеттин саясатындагы негизги багыттардын бири экенин белгилеп, жогорку кошумча наркы бар долбоорлорду ишке киргизүү, өнөр жайды модернизациялоо жана кайра иштетүүнү өнүктүрүү зарылдыгын айтты.
Президент ошондой эле электр энергиясынын жетишсиздигин жоюу маселесин приоритеттердин бири катары белгилеп, Камбар-Ата ГЭС-1ди куруу жана өлкөнүн энергетикалык инфраструктурасын модернизациялоонун стратегиялык маанисин баса белгиледи.
Мындан тышкары, транспорт логистикасы жана жол куруу боюнча долбоорлор талкууланды. Жапаров инфраструктураны өнүктүрүү республиканын транзиттик потенциалын күчөтүүгө жана экономикасынын атаандаштыкка жөндөмдүүлүгүн жогорулатууга көмөктөшөөрүн белгиледи.
Цзоу Цзяи болсо Кыргызстан Азия инфраструктуралык инвестициялар банкын негиздөөчүлөрдүн бири экенин жана стратегиялык өнөктөш катары каралып жатканын айтты. Ал банктың учурдагы долбоорлорду каржылоону улантууга жана жаңы демилгелерди изилдөөгө даяр экенин билдирди.
Администрациянын маалыматына ылайык, банк Камбар-Ата ГЭС-1ди каржылоого катышуу мүмкүнчүлүгүн карап чыгууга, ошондой эле Кытай, Кыргызстан жана Өзбекстанды байланыштырган темир жол долбоору боюнча кыргыз тараптын сунуштарын изилдөөгө даяр.
