Кайрылуусунда алар коопсуздук органдарынын структурасындагы акыркы өзгөрүүлөр журналисттерге, активисттерге жана Кыргыз Республикасынын Кылмыш кодексинин 278-беренеси «Жапырт башаламандык уюштуруу» жана башка беренелер боюнча айыпталган жарандарга карата укук колдонуу практикасын кайра карап чыгууну талап кылат.
Акыркы жылдарда массалык маалымат каражаттарынын өкүлдөрү жана укук коргоочулар өлкөдөгү сөз эркиндиги жана пикирди эркин билдирүү мүмкүнчүлүгү боюнча көп жолу тынчсызданууларын билдиришкен.
Ачык булактардан алынган маалыматтарга ылайык, көп сандаган жарандар Кыргыз Республикасынын Кылмыш кодексинин 278-беренеси боюнча кылмыш жоопкерчилигине тартылган. Ошол эле учурда бир катар медиа ресурстардын ишмердүүлүгүнө чектөөлөр байкалууда, кээ бир журналисттер кылмыш куугунтугуна дуушар болушкан, ал эми башкалары өлкөнү таштап кетүүгө мажбур болушкан, деп белгилешти журналисттер.
Өлкөдөгү учурдагы окуяларды жана коомдун укуктук аныктамаларга жана адилеттүүлүккө болгон талабын эске алып, журналисттер бир нече маанилүү пункттарды карап чыгууну сунушташат:
- журналисттерге жана активисттерге байланыштуу 278-берене боюнча сот чечимдерин кайра карап чыгуу үчүн кошумча текшерүү жүргүзүү жана негиздер болсо, сот чечимдерин кайра карап чыгуу;
- чыгарылган өкүмдөрдүн негиздүүлүгүн укуктук баалоо;
- бузуулар аныкталган учурларда реабилитация механизмдерин колдонуу;
- жетиштүү укуктук негиздер жок болгон иштерде кылмыш куугунтугун токтотуу;
- кылмыш куугунтугуна байланыштуу өлкөнү таштап кеткен жарандарды кайтаруу үчүн укуктук шарттарды түзүү;
- мүмкүн болгон процессуалдык бузулулар боюнча кызмат адамдарынын аракеттерин баалоо;
- жарандардын укуктары бузулган учурларда зыянды төлөп берүү маселесин карап чыгуу.
Журналисттер бул маселелердин объективдүү жана ачык каралышы коомдун мамлекеттик институттарга болгон ишенимин бекемдөөгө жардам берет жана Кыргызстандын мыйзамдуулук жана демократиялык принциптер негизинде андан ары өнүгүшүнө өбөлгө түзөт деп ишенишет.
