Бул методика «Кыргызпастбище», Жайыттар жана азыктар институту, ошондой эле жайыт чарбасынын ветеринардык кызматы менен кызматташтыкта иштелип чыккан. Баалоодо колдонулган негизги индикаторлорго өсүмдүктөрдүн абалы, деградация белгилери, чөптөрдүн, кустарник жана таштардын жайылышы кирет.
Бир жайыт участогун баалоо 30дан 40 мүнөткө чейин убакытты талап кылат, бул анын абалы жөнүндө так маалымат алууга мүмкүндүк берет. Изилдөөлөр көрсөткөндөй, Суусамыр өрөөнүндөгү жайыттар жалпы алганда канааттандырарлык абалда жана бай өсүмдүктөр менен мүнөздөлөт. Бирок, айрым аймактарда карагананын (алтыгана) активдүү жайылышы байкалууда, бул тууралуу жергиликтүү тургундар башында айтып беришкен.
Адистер карагана менен күрөшүүнүн химиялык жана механикалык ыкмаларын изилдешти. Глифосатка негизделген аз уулуу гербициддерди тосулган участкаларда колдонуу оң натыйжаларды берди. Кустарниктерди жок кылуу азыктык өсүмдүктөрдү сактоого мүмкүндүк берет, алар жайыттын эс алуусунан кийин бир жылдын ичинде калыбына келет. Мындан тышкары, механикалык ыкма катары кустарниктерди жулуп, көп жылдык чөптөрдү себүү колдонулат.
Министрликте карагана менен күрөшүү боюнча чаралар тандалма негизде ишке ашырылып, экосистемага зыян келтирбөө үчүн жүргүзүлүп жатканын белгилешти. Жайыттарда азыктык чөптөрдүн үстөмдүгү маанилүү, анткени карагана малдын эркин жайылышына тоскоол болуп, коопсуздукка коркунуч туудурат. Бул багытта жайыттарды сактоо жана деградацияны алдын алуу үчүн иштер улантылат.
