Семинарды борбор Экономика жана соода министрлиги менен биргеликте, Азия өнүктүрүү банкынын колдоосу менен уюштурду.
Иш-чарада электромобилдер рыногун өнүктүрүүгө, заряддоо инфраструктурасын кеңейтүүгө жана инвесторлор үчүн ачык шарттарды түзүүгө негизги көңүл бурулду.
Учурда Кыргызстанда 230дан ашык заряддоо станциялары иштеп жатат, алардын болжол менен 60ы Бишкекте жайгашкан.
Презентациянын алкагында адистер Кыргызстандагы электромобилдер рыногунун кыйла өсүшү тууралуу маалыматтарды сунушташты. 2023-жылы ЕАЭБ нормаларына ылайык электромобилдерди бажысыз импорттоо үчүн квоталар белгиленди.
Эгер 2022-жылы өлкөдө 5 миңге жакын электромобил болсо, 2023-2025-жылдар аралыгында жыл сайын бажысыз импорттун квотасы 10 миң унаага чейин жетет. 2026-жылдан баштап Кыргызстан жыл сайын электромобилдердин импортун 15 миңге чейин көбөйтүүнү пландап жатат, бул квотанын көлөмүн жогорулатууга мүмкүндүк берет.
Семинар негизги сунуштарды түзүү менен аяктады, анын ичинде электромобилдүүлүк боюнча ведомстволор аралык жумушчу топ жана катчылык түзүү, уруксаттарды алуу үчүн «бирдиктүү терезе» системасын киргизүү, заряддоо стандарттарын белгилөө жана мамлекеттик-жеке өнөктөштүк механизмдери аркылуу инфраструктураны өнүктүрүү.
Электромобилдүүлүктү өнүктүрүү Кыргызстандагы эмиссияларды азайтуу, шаардык чөйрөнү жакшыртуу жана жашыл экономиканы бекемдөө стратегиясынын маанилүү элементи катары каралууда.
