«Исламофобиялык маанай Азияда күчөп жатат, бирок Европадагы абал өзгөчө тынчсыздандырат. Диндик топтор саясий поляризациянын куралына айланууда», — деп баса белгиледи ал.
Моратиностун маалыматы боюнча, мусульман азчылыктары шайлоо өнөктүктөрүндө электоратты тартуу үчүн объект катары улам көбүрөөк колдонулууда.
Исламофобия социалдык биримдикти бузуп, коомдордогу чыңалууну күчөтөт, айрыкча конфликттерди башынан кечирип жаткан коомдордо.
Мигель Моратинос
Ал ошондой эле туруктуу өнүктүрүүнүн максаттарынын бири — коомдо тынчтыкка жетүү маанилүүлүгүн эске салды.
Атайын элчи санариптик мейкиндиктеги жек көрүүчүлүк риторикасынын коркунучун белгиледи: социалдык тармактар жек көрүүнүн жайылышына шарт түзөт, ал эми технологиялык компаниялар бул боюнча «өтө кеч жана жетишсиз натыйжалуу» жооп беришет.
Мигель Моратиностун ишинин приоритеттеринин бири — билим берүү жана мадлара аралык диалог. Анын айтымында, батыш өлкөлөрүндө исламды түшүнбөө абдан чоң.
«Көп адамдар ислам эмне экенин түшүнүшпөйт. Алар Куранды окушкан эмес жана контексттен чыгарылган цитаталардан жана саясий интерпретациялардан бурмаланган түшүнүктөрдү алышат. Билим берүүгө инвестиция салуу зарыл — мектептерде, массалык маалымат каражаттарында жана коомдо жалпы», — деп кошумчалады БУУнун атайын элчиси.
БУУнун жаңылыктар кызматынын маалыматы боюнча, уюм исламофобияга каршы күрөшүү боюнча биринчи глобалдык планды иштеп чыгууда, ал быйыл сунушталат. Документ исламофобиянын себептерин тарыхый анализдөө, мыйзамдык чаралар боюнча сунуштарды жана мониторинг системасын түзүүнү камтыйт.
Мигель Моратинос мамлекеттерди исламофобияга каршы улуттук өкүлдөрдү дайындоого чакырды, бул антисемитизмге каршы күрөшүү тармагында жасалгандай.
Исламофобияга каршы эл аралык күн жыл сайын 15-мартта белгиленет.
